Lavuratori FAR MEDIAS ina sonda, a Cuira en la chasa RTR

ina sonda, a Cuira en la chasa RTR

Tge è il lavuratori FAR MEDIAS?

• Il lavuratori sa drizza a persunas ch'han gust da far dumondas, da retschertgar, rapportar, moderar ed experimentar


• Datas: 2 giadas l'onn, mintgamai ina sonda da las 8.30 fin 17.30

Il proxim lavuratori FAR MEDIAS ha lieu ils 25 da settember 2021

• Lieu ed autras infurmaziuns

En chasa RTR, Via da Masans 2, Cuira

Minimum 4 / maximum 8 participantas e participants

Il lavuratori FAR MEDIAS è gratuit

Tge spetgain nus?

• Absolventas ed absolvents da la maturitad gimnasiala u d'in emprendissadi che s'interessan per in praticum u stage (scolaziun accumpagnada superiura da schurnalissem a la MAZ).

Per questas persunas vala il lavuratori sco emprim pass per sa recumandar sco futura praticanta u proxim stagiaire.

• Interessentas ed interessents cun ina scolaziun solida ed experientscha da lavur che tschertgan ina nova sfida professiunala u ina plazza sco redactura u moderatur.

Per questas persunas porscha il lavuratori in'invista en la lavur dal mintgadi schurnalistic e furnescha bleras infurmaziuns per in'eventuala decisiun da midar professiun.

• Esser pli vegl che 18 onns


• Annunzia giavischada fin il pli tard duas emnas avant il termin dal lavuratori

Tge offrin nus?

Il cuntegn dal lavuratori è:

• Curt input teoretic "Tge è schurnalissem?"


• Lavur individuala: producir ina contribuziun/novitad da radio


• Lavur en gruppa: producir ina contribuziun/film per multimedia


• Discurs persunal (intervista) ed elavurar questiunari


• Infurmaziuns sur da las offertas e pussaivladads da lavur che RTR porscha


• Gentar cuminaivel


• Ina schanza unica per fitgar pè en il mund da lavur dal schurnalissem

Schurnalissem da qualitad è nossa fatschenta principala e nossa passiun. Nus essan redacziunalmain libers, promovain la creativitad e purschain bler spazi per concepir chaussas novas e d'auta qualitad.

Far medias

Il schurnalissem da qualitad è tar nus era digital. Perquai sondain nus novas pussaivladads ed experimentain cun novas furmas e novs formats: digital, interactiv e crossmedial. Nus concepin al puls dal temp ed al gnerv dal public.

Concepir la digitalisaziun

Nus inscuntrain in l'auter a moda colleghiala, lavurain autonom e gidain individualmain a furmar noss clima da lavur. Noss success sa basa era sin las fermezzas persunalas e sin las qualitads professiunalas da tuttas collavuraturas e tuts collavuraturs.

Esser uman

Nus cuntanschain e muventain cun noss programs l'entira Svizra. Nus agin cun respect ed a moda independenta; uschia promovain nus la furmaziun da l'opiniun e rinforzain la diversitad. Nus essan loschs da nossa lavur e da nossa contribuziun a la Svizra.

Crear senn

Schurnalissem da qualitad è nossa fatschenta principala e nossa passiun. Nus essan redacziunalmain libers, promovain la creativitad e purschain bler spazi per concepir chaussas novas e d'auta qualitad.

Il schurnalissem da qualitad è tar nus era digital. Perquai sondain nus novas pussaivladads ed experimentain cun novas furmas e novs formats: digital, interactiv e crossmedial. Nus concepin al puls dal temp ed al gnerv dal public.

Nus inscuntrain in l'auter a moda colleghiala, lavurain autonom e gidain individualmain a furmar noss clima da lavur. Noss success sa basa era sin las fermezzas persunalas e sin las qualitads professiunalas da tuttas collavuraturas e tuts collavuraturs.

Nus cuntanschain e muventain cun noss programs l'entira Svizra. Nus agin cun respect ed a moda independenta; uschia promovain nus la furmaziun da l'opiniun e rinforzain la diversitad. Nus essan loschs da nossa lavur e da nossa contribuziun a la Svizra.