D'Arrow ECS Internet Security AG hät ihre Hauptsitz in Brüttisellen/ZH und isch im Jahr 2004
gründet worde. Das Unternehmen tritt als Value Add Distributor uf und beschäftigt hüt
ca. 35 Mitarbeiter in Brüttiselle und Neuchâtel. Idä Schwiz hät sich d'Arrow ECS uf Networks
& Security, Server & Storage sowie Services und Schuelige spezialisiert.
Mir bütet eusne Mitarbeiter ä vielfältigi und interessanti Ufgab a mit gueti Ussicht für
Zuekunft. Eusi Mitarbeiter sind für eus kein Kostepunkt sondern en Erfolgsfaktor, will ohni es
engagierts Personal wär s'Unternehme nöd erfolgriech.
Mir suechet per sofort oder nach Veribarig a eusem Standort Brüttisellen än
Hauptufgabe:
I dere Position bisch du DIE Alaufsstell für Mitarbeiter, eusi Kunde und Lieferante. Du
empfangsch eusi Gäst uns sorgsch für die passendi Infrastruktur bi Sitzige und idä
öffentliche Beriche. Nebst dem übernimmsch du allgemeine Sekretariatsufgabe
(Empfang, Postverarbeitig, Kassa etc.).
Nebeufgabe:
Als Unterstützig für eusi Trainingsabteilig, bisch du für d'Koordinationsufgabe sowie
Verrechnig verantwortlich.
Verantwortig:
Wenn mer aaständig bliebt und Gas git, denn isch das sicher genau de Job für dich. Eifach
en guete Job mache, so wie wenn Eusi Bude Dini Bude wär. Kennsch?
Dini Persönlichkeit überzügt dur e fründlichi Usstrahlig und en guete Umgang mit eusne
Mitmensche. Idealerwies bringsch en Usbildig als Kauffrau sowie Praxiserfahrig inere
ähnliche Position mit. Dini versierte Awenderkenntniss mite MS-Office-Programm,
organisatorisches Talent, sowie gueti Englisch- und Französichkenntniss helfet dir, dini
Ufgabe speditiv und professionel us z'fühere.
Mir erwartet vo dir, dass du gern under Mensche bisch; nöd nume schnurisch, sondern au
machsch und das was machsch, das machsch du gern und guet.
Wenn du ufgstellt bisch und us de Region, denn schick eus dis Dossier vode letschte Jöb.
S'Alter spielt kei Rolle, mer isch so alt wie mer sich fühlt.
Interessiert? Dann schick eus dini Bewerbig in elektronische Form a:
personal.ecs.ch@arrow.com
Bewerbungsdossiers von Stellevermittligsfirmene werded nöd akzeptiert.
Wieteri Frage?
Herr Reto Nobs, Gschäftsfüherer, Tel. 043 222 84 30, beantwortet sie dir gern!
Arrow ECS Internet Security AG
Personalabteilung, Ruckstuckstrasse 6, 8306 Brüttisellen
Tel. +41 43 222 80 00, www.arrowecs.ch, e-mail: personal.ecs.ch@arrow.com