ll Center da formaziun Surselva enquera per Ia
Scola professiunala industriala Surselva
ina scolasta/in scolast per l’instrucziun dil fatg per miradurs
Pensum: 50-60 %
Entrada en plazza ei entschatta uost 2018
Liug da lavur ei Glion
Schazegeis Vus in bien clima da lavur e s'occupeis Vus bugen cun giuvenils? Lu essas Vus tier il
Center da formaziun Surselva el dretg liug.
Vies avegnir
Vus spetga ina lavur varionta cun gronda autoresponsabladad en ina squadra da scolastas e
scolasts collegials e motivai. Vus haveis attractivas cundiziuns da lavur ed il sustegn dil menader
da partiziun.
Plinavon haveis Vus la pusseivladad da cumbinar e slargar Vies pensum cun lecziuns dil fatg en
las ulteriuras partiziuns dil Center da formaziun Surselva.
Vossa lavur
Vus haveis la responsabladad per l‘instrucziun dil fatg per miradurs (teoria da construcziun,
dessegn e quen dil fatg) e prepareis, svilupeis ed evalueis las lecziuns. Plinavon essas Vus la
persuna da classa e collaboreis cun la squadra da scolasts tier ils pensums, projects e las
occurrenzas dallas scola.
Sper l’instrucziun en scola haveis Vus ina lavur el sectur da baghegiar e mantenis vus il contact
tier la practica.
Vies profil
Vus haveis experientschas sco miradur e haveis absolvau ina scolaziun aulta (p.ex. polier BP ni
capomeister HFP) ni ina scola aulta. Plinavon haveis Vus in patenta per l’instrucziun dil fatg
(bachelor, diplom ni master) ed ina scolaziun en pedagogia professiunala ni essas promts dad
absolver ina formaziun corrispundenta. Sche Vus haveis qualificaziuns dil fatg ni dalla pedagogia
professiunala egualas san quellas vegnir acceptadas suenter examinaziun.
Enconuschientschas dil romontsch ein giavischadas.
Vus disponis da bunas competenzas socialas ed haveis plascher da sustener scolaras e scolars en
lur svilup persunal e professiunal.
Per informaziuns pli detagliadas saveis Vus sedrizzar al menader dalla Scola professiunala indu-
striala Surselva, Alois Derungs (alois.derungs@bzs-surselva.ch).
Bugen spitgein nus Voss'annunzia tochen ils 11 da matg 2018 sut la suandont'adressa:
Center da formaziun Surselva, Duri Blumenthal, meinagestiun, Glennerstrasse 22a, 7130 Glion
ni per mail a duri@surselva.ch.